Посебниот режим на сообраќај во Скопје, како што информира МВР, ќе биде воведен поради официјална посета на нашата држава на претседателот на Владата на Шпанија, Н.Е. Педро Санчез Перез-Кастехон
Министерството за внатрешни работи ги известува граѓаните на Скопје дека на 31.07.2022 година (недела), поради официјална посета на нашата држава на претседателот на Владата на Шпанија, Н.Е. Педро Санчез Перез-Кастехон, ќе преземе мерки за посебен режим на сообраќајот по сообраќајниците на поширокото централно подрачје на град Скопје.
Од тие причини, Секторот за внатрешни работи Скопје апелира до сите граѓани да ги почитуваат наредбите што ги издаваат полициските службеници по сообраќајниците каде што ќе се одвива настанот со цел безбедност на сите учесници во сообраќајот.