Вакцината на база на протеин на „Новавакс“ покажа ефикасност од 90,4 проценти во клиничките испитувања извршени врз околу 30 000 испитаници во САД и Мексико
Американската компанија „Новавакс“ и нејзиниот партнер индискиот „Серум институт“ ја пријавија својата вакцина против ковид-19 за итно одобрување од Светската здравствена организација.
Барањето до СЗО е сигнал до националните регулатори дека вакцината е безбедна и ефикасна. Потребно е и одобрување од СЗО за извоз во земјите кои учествуваат во иницијативата за споделување на вакцини – КОВАКС.
„Новавакс“ и Институтот „Серум“, најголемиот светски производител на вакцини, се обврзаа дека ќе испорачаат 1,1 милијарда дози вакцини за КОВАКС програмата, со цел еднаков пристап до вакцини за богатите и за сиромашните земји.
Протеинската вакцина на „Новавакс“ покажа ефикасност од 90,4 проценти во клиничките испитувања извршени врз околу 30 000 испитаници во САД и Мексико.