Говорејќи за односите меѓу Србија и Косово, претседателката на ЕК истакна дека е важно секоја земја да има посебни можности за влез во ЕУ, односно да не се врзуваат една за друга
Косово мора да го спроведе нацрт-статутот на Заедницата на српски општини (ЗСО) предложен од ЕУ, за да напредува на својот европски пат. Ова го посочи претседателката на Европската комисија, Урсула фон дер Лајен, на заедничката прес-конференција со комесарот за проширување Оливер Вархеји, на која беа претставени Пакетот за проширување за 2023 година и годишниот извештај на земјите кандидати.
Фон дер Лајен рече дека е важно Косово да има јасна цел за влез во ЕУ.
„Мислам дека ние (ЕУ) сме јасни во нашите очекувања од Косово и дека она што може да се направи е имплементација на (европската) нацрт-статутот на Заедницата на општините со српско мнозинство (ЗСО) и дека имплементацијата ќе биде голем чекор напред“,
рече таа.
Говорејќи за односите меѓу Србија и Косово, претседателката на ЕК истакна дека е важно секоја земја да има посебни можности за влез во ЕУ, односно да не се врзуваат една за друга.
„Поттикот е многу позитивен и прашање е што вие направивте за да се приближите до ЕУ,
истакна таа.
Еврокомесарот за проширување Оливер Вархеји наведе оти постои барање на Косово да се придружи во ЕУ и дека ова барање е во Европскиот совет.
„Советот сè уште не побарал мислење од ЕК. Подготвени сме да го дадеме. Нашиот впечаток е дека кога станува збор за Косово, европскиот пат се постигнува преку дијалог. Косово мора да ги удвои своите напори за дијалогот да биде успешен“,
рече Вархеји.
Во Планот за раст на Западен Балкан, кој денеска беше претставен во Брисел, се наведува дека Европската комисија цврсто верува дека проширувањето останува клучна политика на Европската Унија, а особено дека полноправното членство на Западниот Балканот во ЕУ е од политички, безбедносни и економски интереси на Унијата.