На повеќе од 2,5 милиони жители на Флорида им е наредено или се предупредени да се евакуираат, а Националниот центар за урагани проценува дека Ијан најверојатно ќе удри јужно од Тампа, каде што има долги песочни плажи и многубројни одморалишта
Невреме од трета категорија ја погоди Куба принудувајќи илјадници луѓе да се евакуираат, додека стотици илјади жители останаа без струја. Во невремето има и две загинати лица.
Жителите на брегот на Мексиканскиот Залив на Флорида бегаат додека ураганот Ијан се упатува кон Флорида со ветер со брзина од 200 километри на час. Се очекуваат високи бранови, поплави и силни ветрови.
Шефот на кубанската енергетика изјави дека целосното помрачување на островот се случило како резултат на распадот на националниот електричен систем, што оставило 11 милиони луѓе во темница.
„Електричната мрежа низ земјата е падната 100 отсто, зашто термоелектрената ‘Антонио Гвитерас‘ не можела да се синхронизира“,
објави државната телевизија.
Сместена 100 километри источно од Хавана, ова е најважната електрана на Куба и нејзиното неработење значи дека никаде на островот не може да се произведува струја.
Њујорк Тајмс пишува дека ураганот зад себе оставил двајца загинати додека го зафатил западниот дел на Куба. Еден од нив е маж кој бил погоден од струен удар, а другото лице е 43-годишна жена која загинала кога еден од ѕидовите на нејзината куќа се урнал врз неа.
На повеќе од 2,5 милиони жители на Флорида им е наредено или се предупредени да се евакуираат, а Националниот центар за урагани проценува дека Ијан најверојатно ќе удри јужно од Тампа, во близина на Сарасота, каде што има долги песочни плажи и многубројни одморалишта. Аеродромите во областа Тампа се затворени од вторник попладне по локално време, додека други низ Флорида најавија голем број откажувања на летови.
