Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, била и инфраструктурата и станбените области
Украина ги уништи сите 10 беспилотни летала во рускиот напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на Телеграм информираа дека Русија лансирала и две противвоздушни ракети. Портпаролот на украинските воздухопловни сили Илја Џевлаш во телевизиски пренос изјави дека руските ракети најверојатно биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, била и инфраструктурата и станбените области. На фотографиите што ги објави Синехубов на Телеграм, се гледаат големи пламени јазици од станбени згради.
„Две лица, меѓу кои и едно 11-годишно дете, се ранети во нападот и примаат медицинска помош“,
напиша Синехубов на апликацијата за пораки Телеграм.
Ројтерс сè уште не ја потврдил независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.