Приходите во државниот буџет во март годинава се намалени за 12,28 проценти во однос на март минатата година, информира директорката на Управата за јавни приходи, Сања Лукаревска. Најголем пад има кај ДДВ и кај данокот на добивка.
„Имаме пад на ДДВ во март од 16,85 проценти или 716 милиони, данокот на личен доход има многу мал пад од 1,11 отсто односно 17 милиони денари и данокот на добивка има пад од 10,78 проценти или 177 милиони денари“,
рече Лукаревска.
Пад на приходите во државната каса е забележан и во првата половина од април годинава.
„Од 1 април до 14 април има пад на ДДВ од 79 проценти, со назнака за зголемен поврат од 51,7 проценти, пад на данокот на личен доход од 6 проценти и пад на добивката од 9,97 проценти, или вкупно споредено со истиот период лани од 1 до 14 април 2019 г. има пад на приходите од 38,15 проценти“,
посочи Лукаревска.
Според Лукаревска, УЈП се обидува навреме да го реализира повратот на ДДВ кон компаниите. Предност им се дава на најпогодените компании од кризата во угостителството, туризмот и транспортот.
„Само во април повратот на ДДВ е зголемен за 51,7 отсто. Се трудиме и во услови на криза да го задржиме трендот на поврат на ДДВ на одредено ниво и максимално колку што е можно го враќаме. редовно контактираме и со компаниите во однос на ова прашање“,
рече Лукаревска.
Поврзана вест: УЈП ги ослободува компаниите од данок на личен доход и данок на добивка за март, април и мај