Кинтеро беше еден од тројцата основачи на моќниот картел Гвадалахара. Во меѓувреме, тој помина 28 години во затвор за убиството на агентот на ДЕА, Енрике Камарена. Пред девет години судот во Мексико ја намали 40-годишната затворска казна и го ослободи, пресудувајќи дека судењето требало да биде пред државен, а не федерален суд. Пресудата беше поништена од Врховниот суд, но Кинтеро веќе беше во бегство. Неговото апсење сега е симболично важно бидејќи тој веќе не се смета за главна фигура во меѓународната трговија со дрога
Уапсен е мексиканскиот нарко бос Рафаел Каро Кинтеро, кој се наоѓа на листата на најбарани во Соединетите Американски Држави, соопшти мексиканската морнарица.
Акцијата е спроведена во западната држава Синалоа, а тој е притворен во градот Шоис. 69-годишниот Кинтеро бил пронајден во грмушки од специјално тренирано куче по име Макс.
САД сега бара итна екстрадиција на нарко босот кој е обвинет за киднапирање, мачење и убиство на американски агент на Агенцијата за борба против дрога (ДЕА) во 1985 година.
„Нема скривалиште за некој кој киднапира, мачи и убива член на американската полиција. Ние сме длабоко благодарни на мексиканските власти за фаќањето и апсењето на Рафаел Каро Кинтеро“,
изјави американскиот државен обвинител Мерик Гарланд.
Кинтеро беше еден од тројцата основачи на моќниот картел Гвадалахара. Во меѓувреме, тој помина 28 години во затвор за убиството на агентот на ДЕА, Енрике Камарена. Пред девет години судот во Мексико ја намали 40-годишната затворска казна и го ослободи, пресудувајќи дека судењето требало да биде пред државен, а не федерален суд. Пресудата беше поништена од Врховниот суд, но Кинтеро веќе беше во бегство. Неговото апсење сега е симболично важно бидејќи тој веќе не се смета за главна фигура во меѓународната трговија со дрога.
САД понуди и награда од 20 милиони долари за секоја информација која ќе доведе до негово апсење.