Пределот е карпест со ниска вегетација, но нема сериозна опасност за луѓе и материјални добра, теренот е непристапен
Вечерва околу 19 часот повторно е активиран пожарот меѓу охридските села Вапила и Сирула, соопшти вечерва Центарот за управување со кризи.
Според информацијата, нема опасност по населението.
„Пределот е карпест со ниска вегетација, но нема сериозна опасност за луѓе и материјални добра, теренот е непристапен. На самото место се присутни претставници од ДСЗ и вработени од јавното претпријатие Национални шуми, кои моментално вршат обиколки и проценка на состојбата“,
се вели во информацијата на ЦУК.
Според јавното претпријатие Национални шуми, зафатена е поголема површина нискостеблеста дабова шума, а направената штета дополнително ќе ја проценуваат.
Претходно ЦУК објјави дека и овој и сите други пожари во државата се изгаснати.