Шест пожари се под контрола, а 21 се изгаснати
Од вкупно 37 пожари на отворен простор во текот на изминатото деноноќие, во моментов активни се десет, информираат утринава од Центарот за управување со кризи (ЦУК). Шест пожари се под контрола, а 21 се изгаснати.
Активни се пожарите во Општина Македонски Брод, Пехчево, Новаци, Ресен, четирите пожари на територија на Општина Кичево, пожарот во Општина Пласница и Општина Кочани. Во пожарите кои во моментов се активни горат борова, дабова, букова и мешана шума, како и нискостеблеста вегетација.
Под контрола се шест пожари – во Општина Неготино, Демир Хисар и Охрид, Чашка, Делчево, Липково и Кочани.
Во последното деноноќие, според информациите на ЦУК, изгаснати се 21 пожар во кои главно биле зафатени стрништа, сува трева, депонии.