Словенечкиот министер за надворешни работи Миро Церар е оптимист дека ЕУ ќе ги исполни своите ветување и се надева дека Северна Македонија и Албанија ќе почнат преговори за членство во март.
„Убеден сум дека Северна Македонија и Грција направија историски напредок со потпишувањето на Преспанскиот договор. Северна Македонија покажа политичка мудрост и храброст и подготвеност за реформи. Нема сомнеж дека на Северна Македонија ќе ѝ биде одобрен старт на преговорите“,
изјави денеска Церар пред почетокот на конференцијата во Солун посветена на европските перспективи на земјите од Западен Балкан.
Тој оцени дека Албанија, исто така, постигнала напредок, пред сè во процесот на ветинг, па затоа се надева дека на двете земи ќе им биде одобрен почеток на преговорите за членство во март.