Во Србија остануваат хоспитализирани 23 пациенти, во Бугарија 14, Турција 10, Грција осум, Словенија четири, а во Унгарија, Хрватска, Шпанија, Австрија и Литванија по тројца повредени
Тројца од повредените во пожарот во Кочани што се лекуваат во странство денеска се враќаат во земјава, информираат од Министерството за здравство (МЗ).
Двајца пациенти пристигнуваат од Грција, а еден од Шведска.
„Согласно протоколите, ќе бидат задржани на 24-часовен надзор“,
се вели во соопштението на МЗ.
Во Србија остануваат хоспитализирани 23 пациенти, во Бугарија 14, Турција 10, Грција осум, Словенија четири, а во Унгарија, Хрватска, Шпанија, Австрија и Литванија по тројца повредени.
Во Италија и во Полска има по еден пациент.
Во Клиниката за токсикологија во Скопје вчера беше хоспитализиран еден пациент по враќањето од Полска, а денеска е пуштен на домашно лекување. На Клиниката за пластична хирургија остануваат двајца пациенти, а во болницата „Свети Наум Охридски“ шестмина.
Во ГОБ „8 Септември“ се хоспитализирани осум пациенти, од кои еден се планира да биде пуштен на домашно лекување.
На Клиниката за пулмологија има двајца пациенти.
Во приватната болница „Систина“ се хоспитализирани тројца пациенти.
Од Министерството за здравство велат дека ја следат состојбата на повредените пациенти и се во постојана комуникација со болниците во земјава и во странство.