Канадскиот премиер Џастин Трудо на платформата „Икс“ напишал дека ги осудува насилните акти на антисемитизам, како и дека сите мора да застанат обединети против омразата
На еврејско училиште во Монтреал, Канада, било стрелано со огнено оружје, што според локалните медиуми претставува трет таков напад за помалку од една недела во услови на зголемени тензии во врска со конфликтот во Газа меѓу Израел и Хамас.
„Никој не беше повреден кога рано во неделата беше пукано во фасадата на училиштето ‘Јешива Гедола’ во Монтреал. Траги од куршуми и гранати биле пронајдени откако жителите слушнале пукање“,
објави Си-би-си Канада.
Полицијата соопштила дека ги истражува пукотниците кои се случиле и во две еврејски училишта во населбата Кот-де-Ниж откако вработените пријавиле дека пронашле дупки од куршуми на влезните врати.
Не е јасно дали инцидентите во еврејските училишта во западниот крај на градот се поврзани.
? JUST IN: SHOOTING IN CANADIAN JEWISH SCHOOL | THIRD IN A WEEK
— Mario Nawfal (@MarioNawfal) November 12, 2023
Montreal police are investigating a third incident of gunshots fired at a Jewish school within a week
The shots were reported at Yeshiva Gedola on Sunday at around 5 a.m. Bullet impact marks were found on the… pic.twitter.com/MRAAEyyZQV
И расправија на Универзитетот „Конкордија“ во Монтреал меѓу спротивставени страни во конфликтот во Газа резултирал со повредени и апсење.
Канадскиот премиер Џастин Трудо на платформата „Икс“ напишал дека ги осудува насилните акти на антисемитизам, како и дека сите мора да застанат обединети против омразата.
„Знам дека емоциите се високи, а луѓето се исплашени. Но, да се напаѓаме едни со други не е тоа што нè одликува како Канаѓани. Ако некаде почнат да се градат разбирања за да се најде мирно решение на Блискиот Исток, тоа треба да започне од место како Канада“,
посочил Трудо.
The reports of overnight shootings at Jewish schools in Montreal are horrifying. I condemn these violent acts of antisemitism in the strongest terms possible – and I want to be clear: This hate has no place in Canada, and we must all stand united against it.
— Justin Trudeau (@JustinTrudeau) November 9, 2023
Според пишувањата на „Гардијан“, конфликтот меѓу Израел и Газа остро ја поделил Канада, но сè поголем број луѓе повикуваат на прекин на огнот.
Во Торонто полицијата соопштила дека три недели по првичниот напад на Хамас на 7 октомври, злосторствата од омраза врз Евреите и муслиманите биле повеќе од двојно повисоки од целиот број во 2022 година.