Измените на Законот за трговија, како што објави министерот за економија Крешник Бектеши, се донесени со заеднички дијалог во инклузивен процес со сите засегнати страни, посебно во туристичкиот сектор, а работниците во трговските објекти кои ќе работат во недела и за празници ќе добијат дневница поголема за 100 проценти
Според Бектеши, со овие законски измени се очекува дополнително да се поттикне економската активност во земјата, особено во туристичките места
Сите трговци во туристичките места во земјава ќе можат да работат во недела и на државни празници, одлучија денеска пратениците во Собранието, усвојувајќи ги измените и дополнувањата на Законот за трговија.
За ова денеска информира министерот за економија Крешник Бектеши кој на Фејсбук објави дека овие законски измени ќе важат за сите трговци на мало и на големо во туристичките места.
Според министерот, со измените и дополнувањата на Законот за трговија се очекува дополнително да се поттикне економската активност во земјата, особено во туристичките места.
„Имајќи ги во предвид податоците коишто ги имаме од Државниот завод за статистика за раст на бројот на туристи од почетокот на годината, а и очекувањата согласно веќе направени резервации за странски туристи кои што оваа туристичка сезона ќе ја посетат Северна Македонија, посебно Охрид и Струга, согласно законските измени очекуваме зголемување на туристичката активност во целата земја“,
стои во фејсбук-објавата на Бектеши.
Измените на Законот за трговија, како што објави министерот, се донесени со заеднички дијалог во инклузивен процес со сите засегнати страни, посебно во туристичкиот сектор, а работниците во трговските објекти кои ќе работат во недела и за празници ќе добијат дневница поголема за 100 проценти.
Со најновите измени на Законот за трговија им се дава можност на продавниците, киосците и штандовите во туристичките места утврдени со Законот за туристичка дејност, да работат во недела и на празници. Оваа можност за работа во недела и на празници им се овозможува и на слободните царински продавници лоцирани на меѓународните аеродроми после царинските контролни точки и на цветните пазари.
Овие законски измени стапуваат во сила веднаш откако ќе бидат објавени во Службен весник.