Министерката за труд и социјална политика Јованка Тренчевска на настан во Струмица рече дека децата и родителите треба да се охрабрат и да пријавуваат секакво насилство во училиштата од врсници.
Таа додаде дека Министерството за труд и социјална политика преку центрите за социјална работа реагира веднаш по добиена пријава.
Во одговор на новинарско прашање за зачестеното врсничко насилство во училиштата, министерката Тренчевска денеска во Струмица изјави дека претставници од центрите излегуваат на терен, разговараат со стручната служба, со децата, со родителите и ги преземаат сите мерки согласно законот.
„Во сите случаи каде што е утврдено дека насилството од врсници навистина е сторено се земаат мерки согласно Законот за малолетници, односно за правата на децата според кој се изрекуваат согласно Законот за малолетничка правда, преку кој се изрекуваат воспитни мерки за сите оние деца што вршат насилство врз своите врсници“,
вели Тренчевска.