Претходно, ВМРО-ДПМНЕ како дел од аферата „Паразити“ објави дека член на Управниот одбор во компанијата зема месечна плата од над 11 илјади евра
Позициите главен директор и директор за финансии во „Македонски телеком“ не се позиции на јавни службеници назначени од Владата, туку високи деловни функции кои носат одговорност за целокупното работење на компанијата. Ова се наведува во реакцијата од „Телеком“ откако опозициската ВМРО-ДПМНЕ како дел од аферата „Паразити“ објави дека член на Управниот одбор во компанијата зема месечна плата од над 11 илјади евра.
„Овие позиции подразбираат поседување на соодветно искуство, докажана експертиза и преземање деловни активности за постигнување резултати согласно плановите и стандардите на групацијата ‘Дојче телеком’“,
велат од компанијата.
Оттаму додаваат дека „Македонски телеком“ не е јавно претпријатие ниту државна институција, туку една од најуспешните компании со странски капитал во земјава.