Покрај од директорот на „Телеком“, кандидатите и претставниците на Студенстката листа на својата прва прес-конференција побараа итни оставки и од началниците на специјалниите полициски единици во рамките на српското МВР, на директорите на Безбедносно-информативната агенција (БИА), на Воено-безбедносната агенција (ВБА), а од истражните органи бараат да ги реотворат случаите кои изминатите години ја брануваат јавноста, но завршија без епилог
Кандидатите и претставниците на Студентската листа денеска на својата прва прес-конференција по победата на предвремените парламентарни избори во Србија на 25 октомври ги соопштија барањата. Нив, тие главно ги упатија до клучните државни институции и телекомуникациски и медиумски организации, чии раководства со години, како што рекоа, служеле на Српската напредна партија (СНС), непотребно трошејќи народни средства, прекршувајќи ги етичките и нормите на професионално постапување. Тие побараа и пресипитување на голем број случаи кои изминатите години ја брануваа српската јавност и беа повод за протести на граѓаните против власта на доскорешниот претседател Александар Вучиќ и неговата партија СНС.
Кандидатката на Студентска листа, професорката Мирјана Николиќ, побара итна и неотповиклива оставка од директорот на „Телеком Србија“, Владимир Лучиќ, и од сите одговорни кои ја ставиле компанијата под политичко влијание и довеле од неразумно трошење на нејзините пари.
Привремена администрација во РТС и нов состав на РЕМ
„Бараме итен прекин на ‘фрлањето’ пари, запирање на приватните проекти кои ги плаќа Телеком, запирање на неоправданите исплати и покренување постапка против секого за кого ќе се утврди одговорност за злоупотреба“, рече Николиќ.
Порача дека парите на компанијата под државна контрола не смеат да бидат приватен фонд за финансирање на политичка пропаганда и богатење на привилигирани поединци.
Таа посочи дека „Телеком“ е дистрибутер и оти не смее да биде, како што кажа, главен уредник на медиумите во Србија, ниту овој ниту кој било друг оператор.
„Не може политичката заштита, не може ниту една привилегија да биде посилна од законот и од Уставот. Членот 49 од уставот пропишува – забрането е и казниво секое предизвикување и поттикнување на расна, национална, верска и друга нерамноправност, омраза и нетрпеливост. Отворено писмо веќе е предадено и доставено на РТС и Советот на Регулаторното тело за електронски медиуми (РЕМ). Сакаме медиуми кои им служат на граѓаните“,
рече Николиќ.
Кандидатката на Студентската листа, покрај за „Телеком“ преходно ги прочита конкретните барања кои се однесуваат на јавниот сервис и на Советот на регулаторното тело за електронски медиуми.
„Граѓаните имаат право на вистинити информации. РТС со години го потчинува тоа право на интересите на властите. Испративме отворено писмо до раководството на РТС и Советот на РЕМ. Бараме оставка од Мања Грчиќ, главниот уредник на информативната програма Бојана Млаѓеновиќ. Тоа е исполнето, но сепак бараме оставка од заменик-генералниот директор Дејан Јовановиќ“,
истакна таа.
Таа ги посочи незаконитостите и предложи, во име на студентите и Студентската листа, привремена администрација договорена со репрезентативните синдикати на РТС.
Николиќ посочи дека приоритет на Студентската листа ќе биде формирање на целосниот состав на РЕМ.
Оставки од началниците на специјалните полициски сили
Кандидатката на Студентската листа, Светлана Станаревиќ, изјави дека бараат итни откази за сите полицајци кои го прекршиле законот, а пред сè началникот на Управата за криминалистичка полиција Марко Кричко, командантот на жандармеријата Радослав Репач, командантот на Специјалната антитерористичка единица Игор Жмириќ, началникот на полициската управа во Ваљево, Владимир Јериниќ, началникот на Техничката управа, Горан Чолиќ, како и други вработени кои, според нив, го прекршиле законот, како и помошник-министерот и началник на секторот за внатрешна контрола Мирослав Пауновиќ.
„Потребно е привремено да се распоредат постари лица кои се компетентни да управуваат со споменатите организациски единици на нивните позиции, со цел да се овозможи нивно непречено функционирање во наредниот период. Исто така, студентската листа ‘Студентите победуваат’ бара сите постари лица и извршители кои во претходниот период беа неоправдано отпуштени од политички или од други непрофесионални причини и распоредени на други работни места, веднаш да се вратат на своите работни места“,
рече Станаревиќ.
Таа истакна дека е потребно и директорот на полицијата Драган Васиљевиќ да поднесе итна и неотповиклива оставка, „имајќи предвид дека драстично ги прекршил сите етички и правни принципи на кои го обврзува неговата позиција“.
БИА функционираше како партиска, а не државна агенција
Студентската листа бара итна и неотповиклива оставка и од директорот на Безбедносно-информативната агенција (БИА), Владимир Орлиќ, бидејќи, според победниците на изборите, БИА дејствувала како партиска, а не како државна безбедносна служба. Од листата бараат и сите други функционери на службата веднаш да престанат со активностите насочени кон дискредитирање на политичките неистомисленици и да се вратат на дејствување исклучиво во согласност со нивните законски одговорности.
Според Станаревиќ, Студентската листа бара и оставка од директорот на Воено-безбедносната агенција (ВБА), генерал-мајор Ѓуро Јованиќ.
„Јованиќ дојде на чело на ВБА по контроверзни вонредни унапредувања. Под негово водство, ВБА, според поднесените кривични пријави, изврши притисок врз Воениот синдикат на Србија и ги следеше семејството и адвокатите на претседателот на синдикатот. Бараме од надлежните обвинителства и од парламентарниот комитет за контрола на безбедносните служби итно да ги истражат овие извештаи. Бараме од членовите на ВБА веднаш да престанат со следење и притисок врз синдикалците, новинарите, студентите и политичките дисиденти и да се вратат исклучиво на своите законски одговорности“,
рече таа.
Јован Вујичиќ, исто така кандидат од Студентската листа, изјави дека итно бараат од врховниот јавен обвинител сите јавни обвинителства законски, непристрасно и итно да преземат мерки во случаите што предизвикаа големо внимание и јавна загриженост и итно да ја информираат јавноста за ова. Ова тие го бараат особено во врска со случаите на Вишото јавно обвинителство во Белград, барајќи да се разгледа потребата од замена и распределба на случаите на Обвинителството за организиран криминал.
Вујичиќ бара од главниот јавен обвинител за организиран криминал Младен Ненадиќ итно да преземе мерки во сите случаи за кои јавноста е заинтересирана, особено во случаите „Тенда“, „Генералштаб“ и „Небесна кореспонденција“.
Исто така, тие бараат од Ненадиќ „да преземе сите мерки и дејствија со цел да се утврди кривичноправната одговорност на носителите на функцијата јавен обвинител, а пред сè на Ненад Стефановиќ и Миодраг Марковиќ, за кривичното дело злоупотреба на службената положба“.
„Доколку полициските службеници, службениците на Даночната управа и на Дирекцијата за спречување на перење пари не се вратат во работните групи што е можно поскоро, јавниот обвинител за организиран криминал е должен да ги искористи своите законски овластувања и да покрене дисциплински и кривични пријави против раководителите на надлежните органи кои го спречуваат тоа“,
рече тој.
Се бараат оставки и од првите луѓе на ВЈО Белград и Уставниот суд на Србија
Студентската листа, исто така, бара од надлежните обвинителства веднаш да се вратат на истрагите и да преземат мерки во случаите „Крушик“, за наплатната рампа Дољевац, убиството на Александар Нешовиќ и сите соучесници кои учествувале во прикривањето на доказите, потоа во случајот со убиството на Оливер Ивановиќ, уривањето во Савамала, хеликоптерската несреќа и многу други случаи од интерес за јавноста.
„Бараме проверка на паричните текови за сите проекти, особено за Експо, Белград на вода, стадионот во Лесковац и Лозница, автопатот Милош Велики, коридорот 10, Рио Тинто, како и паричните текови за време на пандемијата на ковид“,
рече Вујичиќ.
Тие, исто така, го повикуваат главниот јавен обвинител на Вишото јавно обвинителство во Белград, Ненад Стефановиќ, да поднесе оставка, „имајќи предвид дека во текот на целиот свој мандат драстично го прекршил принципот на непристрасност и дека со своите селективни постапки ја загрозил довербата на граѓаните во граѓаните до јавното обвинителство“.
„Од истите причини, заменик-главниот јавен обвинител во Вишото јавно обвинителство, Миодраг Марковиќ, исто така е повикан да поднесе итна и неотповиклива оставка“, е барањето на Студентската листа.
Тие бараат и оставка од претседателот на Уставниот суд, Владан Петров, бидејќи во текот на целиот мандат „делувал пристрасно во корист на режимот на Александар Вучиќ. Според Студентската листа тој и во текот на целата предизборна кампања повеќе дејствувал како портпарол на Српската напредна партија, а не како професор на Правниот факултет, а уште помалку како судија на Уставниот суд кој е должен да дејствува непристрасно и да ја штити уставноста и законитоста.
Студентот Филип Убовиќ рече дека бараат Републичката изборна комисија (РИК) и сите надлежни органи да ги почитуваат законските рокови и да ги објават конечните резултати од изборите што е можно поскоро, со цел да се создадат услови за конституирање на новиот состав на Народното собрание на Србија.
„Во исто време, бараме итен попис на состојбата во јавните институции: министерства, јавни претпријатија, ЕПС и државни средства, вклучувајќи финансии, договори, јавни набавки и преземени обврски. Ги покануваме вработените да ја зачуваат документацијата и јавниот имот, да пријавуваат сомнителни дејствија и да спречат уништување на докази и злоупотреби во текот на преодниот период. Сите договори и јавни набавки ќе бидат разгледани во согласност со законот. Студентската листа ‘Студентите победуваат’ не дојде да слави, туку да ги врати институциите на граѓаните“,
рече тој.
Убовиќ истакна дека не бараат политичка послушност, туку законитост, професионализам и одговорност.
„Промените почнуваат веднаш: институциите им припаѓаат на граѓаните, а законот мора да важи за сите. Јавниот интерес мора да биде над секој поединец и секоја политичка партија“,
нагласи тој.