За ова информира лидерот на СДСМ, Зоран Заев, на денешната прес-конференција, посочувајќи кои се функционери од неговата партија се во самоизолација
Техничкиот премиер Оливер Спасовски се тестирал утрово на ковид-19, а во самоизолација е и дополнителната заменик-министерка за внатрешни работи Славјанка Петровска, поради контакти со потпретседателот на СДСМ, Мухамед Зекири, кој објави дека е позитивен на коронавирусот.
За ова информира лидерот на СДСМ, Зоран Заев, на денешната прес-конференција, посочувајќи кои се функционери од неговата партија се во самоизолација.
Заев рече дека во СДСМ се почитуваат сите мерки за заштита од коронавирусот и го обвини повторно министерот за внатрешни работи Наќе Чулев поради зголемувањето на бројките на заразени, затоа што не презел мерки за почитување на протоколите за заштита.
Сепак, Заев оцени дека, иако расте бројката на новозаболени, опаѓа интензитетот на вирусот. Затоа тој смета дека изборите треба да се одржат на 5 јули.
Откако Зекири објави дека тој и членови на неговото семејство се позитивни на коронавирусот, во самоизолација се уште двајца од вкупно пет потпретседатели на СДСМ. Покрај Зекири, Мила Царовска и Дамјан Манчевски, потпретседатели на СДСМ се и премиерот Спасовски и Коста Петров.
За Зекири, Заев рече дека веројатно се заразил кога бил на ифтар кај својот брат.
Премиерот Спасовски и уште неколкумина министри еднаш веќе беше во самоизолација, кога присуствуваше на седница на Кризниот штаб во Куманово.