„Постои основано сомнение дека во временскиот период од 2021 година до 3.4.2024 година, осомничениот татко со грубо запоставување на својата должност за грижа и воспитување ги запуштил сопствените две деца и од користољубие ги навел на питачење“, велат од ОЈО Велес
Основното јавно обвинителство (ОЈО) Велес поведе истрага и определи мерка притвор за маж од село Извор, Општина Чашка, осомничен за запуштање и малтретирање на своите две деца кои, како што велат од Обвинителството, од користољубие ги навел на питачење.
Осомничениот, велат од ОЈО Велес, ги запоставил своите две деца и ги носел на различни локации во Скопје и Велес, ги терал да бараат пари, а потоа им ги земал и ги трошел во казино.
„Постои основано сомнение дека во временскиот период од 2021 година до 3.4.2024 година, осомничениот татко со грубо запоставување на својата должност за грижа и воспитување ги запуштил сопствените две деца и од користољубие ги навел на питачење“,
велат од ОЈО Велес.
Тој, како што дополнуваат оттаму, е осомничен за две кривични дела – запуштање и малтретирање на дете – казниви по членот 201 став 2 во врска со став 1 од Кривичниот законик.