Според информациите што досега официјално се познати, станува збор за предистрага за предмет оформен поради сомнение за извршени сомнителни трансакции на пари помеѓу ЕВН и повеќе физички лица
Според неофицијални информации до кои дојде „360 степени“, пратеникот кој е по потекло од Струга и објави дека претреси се прават во неговиот дом, има пријавено живеалиште во Скопје, на друга улица, на различна адреса од неговиот татко, а не на таа каде што е правен претресот
Пратеникот од ВМРО-ДПМНЕ, Јован Јаулески, не е цел во акцијата на финансиската полиција туку неговиот татко, кој работи во ЕВН. Според финансиската полиција, станува збор за предистражна постапка која се спроведува во координација во Основното јавно обвинителство (ОЈО) Скопје.
„Целосно ги демантираме и отфрламе изјавите на пратеникот Јован Јаулески дека претресот е извршен кај него дома ниту, пак, кај некој друг претставник на политичка партија. Предистражната постапка се однесува на вработени во ‘ЕВН електрани’ ДООЕЛ и ‘ЕВН Македонија’ АД Скопје“,
велат од финансиската полиција.
Според неофицијални информации до кои дојде „360 степени“, пратеникот кој е по потекло од Струга и објави дека претреси се прават во неговиот дом, има пријавено живеалиште во Скопје, на друга улица, на различна адреса од неговиот татко, а не на таа каде што е правен претресот.
Според информациите што досега официјално се познати, станува збор за предмет во предистрага, оформен поради сомнение за извршени сомнителни трансакции на пари помеѓу ЕВН и повеќе физички лица.
Освен кај таткото на Јаулески, се правеле претреси кај повеќе лица и во Скопје и во Делчево.
„Во рамките на предистражната постапка, а по претходно обезбедени наредби од надлежните судови, во текот на денешниот ден беше извршен претрес кај повеќе физички лица на територија на Град Скопје и Делчево, меѓу кои вработени лица во ‘ЕВН електрани’ ДООЕЛ и ‘ЕВН Македонија’ АД Скопје, а со цел пронаоѓање докази во насока на ефикасно водење на предистражната постапка и докажување на основите на сомнение за сторени кривични дела“,
велат од Финансиската полиција.
Пратеникот на ВМРО-ДПМНЕ Јаулески утрово преку социјалните мрежи соопшти дека во неговиот дом влегла финансиската полиција и прави претрес.
Опозициската ВМРО-ДПМНЕ, во реакцијата за акцијата на финансиската полиција, оцени „дека тоа е знак дека режимот е очаен и не избира средства за уцена“.