Околу 8 000 жители се евакуирани, а 1 916 луѓе се сместени во јавни засолништа за време на преминувањето на Хаикуи, информира ЦЕОЦ. Невремето ќе продолжи да влијае на времето во Тајван до вторник рано, кога ЦЕОЦ очекува укинување на предупредувањето за тајфун
Тајфунот Хаикуи го погоди Тајван со обилни дождови и силен ветер оставајќи најмалку 226 000 домаќинства без струја и многу повредени, соопштија денеска властите. Според тајванскиот Централен оперативен центар за итни случаи (ЦЕОЦ), Хаикуи го поминал јужниот дел на Тајван и влегол во Тајванскиот Теснец рано во понеделникот. Ослабеното невреме продолжи кон јужните делови на Кина.
Силниот ветер корнеше дрвја во источниот и јужниот дел на Тајван и го прекина снабдувањето со електрична енергија. Вчера невремето достигнуваше максимални постојани ветрови од околу 150 километри на час со налети до околу 190 километри на час. Невремето предизвика и лизгање на земјиштето и поплави.
Министерот за внатрешни работи Лин Ју-чанг, кој го предводи ЦЕОЦ, денеска ги повика жителите да останат на готовност за можни катастрофални поплави во некои планински области каде што падна силен дожд во изминатите четири дена.
Според ЦЕОЦ, најмалку 78 лица се повредени во сообраќајни несреќи, вклучувајќи возачи на скутери и возачи на автомобили кои биле погодени од паднати дрвја. Најмалку 226 000 домаќинства на островот останаа без струја.
Околу 8 000 жители се евакуирани, а 1 916 луѓе се сместени во јавни засолништа за време на преминувањето на Хаикуи, информира ЦЕОЦ. Невремето ќе продолжи да влијае на времето во Тајван до вторник рано, кога ЦЕОЦ очекува укинување на предупредувањето за тајфун.