Мајките треба да ги дојат своите бебиња дури и ако имаат ковид-19, изјави денеска директорот на Светската здравствена организација, Тедрос Аданом Гебрејесус, затоа што придобивките го надминуваат ризикот од зараза.
„СЗО препорачува мајките кај кои постои сомневање или е потврден ковид-19 да бидат охрабрени, како и сите други мајки, да почнат или да продолжат со доење“,
рече Тедрос на прес-конференција.
Со оглед на тоа што светот ја одбележува Неделата за подигнување на свеста за доењето, Тедрос во контекст на тековната пандемија рече дека многуте предности од доењето за новороденчиња и децата значително го надминуваат потенцијалниот ризик од зараза со ковид-19.