Светската здравствена организација препорача УЕФА да ги откаже сите меѓународни фудбалски турнири до крајот на сезоната 2020/2021 година, објави „Ла Република“.
Според италијанскиот весник, препораката е дадена за време на видеоконференција на која учествувале претставници на УЕФА и на водечките европски клубови одржана на 16 април.
Светската здравствена организација инсистира на тоа да нема фудбал во наредните 18 месеци поради страв дека е можен втор бран на коронавирусот.
УЕФА формираше работна група за да ги анализира сите опции за завршување на оваа сезона, но во оваа фаза ситуацијата и натаму е без решение.
