Светски познатиот тенор, шпанскиот оперски пејач Пласидо Доминго (79) е заразен со коронавирус, откако неговиот тест е позитивен, соопшти самиот тој на својот профил на фејсбук.
„Чувствувам обврска да ве информирам дека тестот за ковид-19 е позитивен. Моето семејство и јас сме во самоизолација. Во моментов сите сме во добра состојба, но јас почуствував симптоми на треска и кашлица и затоа одлучив да се тестирам и резултатот се покажа позитивен. Ги молам сите да бидат исклучително внимателни, почитувајќи ги основните правила, како честото миење раце, стојте на растојание од најмалку два метра од други луѓе, и правете се што е можно за да го запрете ширењето на вирусот. Пред се најважно е да останете дома, ако можете! Заедно можеме да се избориме со овој вирус и да ја запреме актуелнава светска криза. Имам надеж дека наскоро ќе се вратиме кон своето нормално секојдневие. Ве молам да ги следите пораките и нардбите на локалните власти за да останете безбедни и да се заштитите не само себе си, туку и нашата цела заедница”,
напиша оперскиот пејач на својот профил на фејсбук.