Во судскиот процес во Кривичниот суд на Ватикан, кој траеше две и пол години, беа вклучени 10 обвинети, меѓу кои, по првпат, и кардиналот Бечиу
Судот во Ватикан денеска го осуди италијанскиот кардинал Анџело Бечиу на пет и пол години затвор за повеќе кривични дела.
Во судскиот процес против Бечиу, кој траеше две и пол години, тој е обвинет за проневера, злоупотреба на службената положба и обид за лажно сведочење, пренесуваат британските медиуми.
Во судскиот процес во Кривичниот суд на Ватикан, кој трае две и пол години, беа вклучени 10 обвинети, меѓу кои, по првпат, и кардиналот Бечиу.
Адвокатот на Бечиу, Фабрицио Виљоне, вели дека ја почитува казната, но дека ќе поднесе жалба.
За девет други обвинети има комбинација од осудителни и ослободителни пресуди од речиси 50-те обвиненија поднесени против нив. Само еден обвинет, поранешниот секретар на Бечиу, отец Мауро Карлино, е ослободен од сите обвиненија.
На претседателот на судот Џузепе Пигнатоне му биле потребни 25 минути да ги прочита сите пресуди и казни.
Како и другите девет обвинети, Бечиу е осуден по некои точки од обвинението, а други ослободени.
Папата Франциск во 2020 година го разреши кардиналот Бечиу од функцијата поради непотизам, иако тој ги отфрли сите обвинувања, како и другите обвинети во овој процес, додаваат британските медиуми.
Покрај обвинувањата за пренасочување на ватикански средства кон компании или добротворни организации што ги водат неговите браќа во Сардинија, кардиналот е вклучен и во вработувањето на Сесилија Мароња, исто така од Сардинија, како дел од планот за ослободување на католичка калуѓерка киднапирана во Мали.
Мароња за таа работа во периодот 2018-2019 година од Ватикан добила 575.000 евра, но обвинителите тврдат дека парите биле префрлени на фирма што обвинетата ја отворила во Словенија, како и дека парите ги потрошила за свои потреби.