Тасева, на прес –конференцијата пред речиси три години рече дека во ФЕНИ влегува фирмата „Глобал Спешал Опортјунитис ЛТД“ регистрирана на Бахамите
Исто така, рече дека договорот е „нерамноправен“ и со него се овозможува значителна имотна корист на фирмата со оглед на високата цена на никелот на светските берзи и користење на резервите на руда од комбинатот во тооа време
Претседателката на Здружението Транспаренси интернешнал- Македонија, Слаѓана Тасева, е одговорна за клевета кон ГСОЛ и „Еуроникел Индустри“, пресуди Основниот граѓански суд Скопје.
Пресудата е за изјавата на Тасева на прес-конференција од 25 април 2018 година, на која според судот изнела невистинити искази во однос на стечајната постапка на поранешниот комбинат ФЕНИ, кои се однесувале на ГСОЛ и „Еуроникел Индустри“.
Според судската одлука, нејзините изјави нанеле штета по угледот на новиот инвеститор.
Според пресудата, Тасева се задолжува јавно да ја објави споменатата пресуда во некој од дневните печатени изданија за да се минимизира штетата на угледот.
Од друга страна, Судот оцени дека нема прекршок од страна на организацијата „Транспаренси Интернешнал“.
Што кажа Тасева во 2018?
Тасева, на прес –конференцијата пред речиси три години рече дека во ФЕНИ влегува фирмата „Глобал Спешал Опортјунитис ЛТД“ регистрирана на Бахамите.
Промената во Централен регистер била направена на 17 април. Во регистерот пишува дека освен фирмата од Бахами, за членови на Одборот на доверители во отворената стечајна постапка се именуваат и Цементарница УСЈЕ Скопје и ТАВ Македонија, а се разрешуваат досегашните доверители: Комерцијална Банка, Стопанска Банка и МЕПСО АД Скопје.
Тасева тогаш рече дека не се знае кој стои зад фирмата ГСОЛ.
Врз основа на увидот во договорот склучен со стечајниот управник на Фени, во кој Тасева рече дека имала увид, таа тогаш рече дека наместо потпис од физичко лице, на договорот склучен на 31 јануари за преработка на никелова руда, бил наведен само број на пасош од странска земја.
Според Тасева, на ваков начин намерно се крие вистинскиот сопственик на фирмата и правниот субјект кој доби право да управува со ФЕНИ. Исто така, Тасева рече дека договорот е „нерамноправен“ и со него се овозможува значителна имотна корист на фирмата со оглед на високата цена на никелот на светските берзи и користење на резервите на руда од комбинатот.
Таа тогаш објави дека „Транспаренси Интернешнл“ тој ден, на 25 април 2018 г. поднел кривични пријави против стечајниот управник на Фени, Мирослав Анастасиевски и стечајната судијка Валентина Ѓорѓиевска за злоупотреба на службената должност. Според наводите во пријавата, тие стечајната постапка ја воделе нетранспаретно и тајно, фаворизирајќи одредена компанија.