Струјата поскапува за 12,36%, но сметките на граѓаните ќе имаат незначително намалување поради предвидите измени на Законот за додадена вредност, односно намалувањето на ДДВ за електричната енергија од 18% за 5%.
„Евтината тарифа останува во сила во дневните и ноќни интервали, како и досега, а сметките за електрична енергија практично ќе останат непроменети со носење на законот со кој ќе се намали ДДВ за електрична енергија. Компаниите збирно побараа зголемување од 50 денари на сметка од 1 000 денари. Врз основа на нашите пресметки што ги направивме изминатиот период РКЕ нивните барања ги сведе на 6 денари на сметка од 1 000 денари“,
изјави Марко Бислимоски, претседателот на Регулаторната комисија за енергетика и водни услуги.
Законот со кој ДДВ за електрична енергија од 1 јули ќе биде намалено од 18% на 5% е во собраниска процедура. Во него се предвидува во јули наредната година ДДВ да се покачи на 10 проценти, а 2023 пак да се врати на стапката од 18 отсто.