Столтенберг: Во наш интерес е да ја поддржиме Украина, не можеме да дозволиме Путин да победи

Генералниот секретар на НАТО вели дека досега не видел вистинска волја од страна на рускиот претседател Владимир Путин да преговара за прифатливо решение за Украина

Потребно е Путин да се убеди себеси дека нема да победи на бојното поле, изјави генералниот секретар на НАТО, Јенс Столтенберг, пред денешната средба со европските министри за одбрана во Брисел.

Генералниот секретар на НАТО вели дека досега не видел вистинска волја од страна на рускиот претседател Владимир Путин да преговара за прифатливо решение за Украина.

„Веројатноста за постигнување прифатлив и преговарачки исход се зголемува со обезбедувањето поголема воена поддршка за Украина. Војните се непредвидливи, никој не може да каже кога и како ќе заврши оваа војна“,

рече Столтенберг.

Тој додаде дека самата Украина оценува кои се прифатливите услови за почеток на преговори и постигнување договор.

„Во наш интерес е да ја поддржиме Украина, не можеме да дозволиме Путин да победи“,

рече Столтенберг.

Тој посочи дека засега продолжуваат тешките борби и состојбата на бојното поле е тешка.

Столтенберг: Поддршката од НАТО за Украина не е само на зборови, туку и на дела 

Столтенберг најави дека ќе разговара со европските министри за прашањето за заштита на критичната подводна инфраструктура на Европа.

Столтенберг во Киев: Руските сили се борат за „империјалните заблуди“ на Москва

Тој прецизира дека по оштетувањето на гасоводот „Северен поток“ и на балтичкиот гасовод, НАТО воведува дополнителни патроли во Северното Море и во регионот на Балтичкото Море.