Сите сакаме брз мир. Но, во исто време мораме да признаеме: ако претседателот (Володимир) Зеленски и Украинците престанат да се борат, нивната земја повеќе нема да постои, вели Столтенберг во интервјуто објавено денеска од германската медиумска групација „Функе“
Генералниот секретар на НАТО, Јенс Столтенберг, предупреди дека не треба да се очекува брз крај на војната во Украина.
„Повеќето војни траат подолго од очекуваното“,
вели Столтенберг во интервјуто објавено денеска од германската медиумска групација „Функе“.
Според него, „мора да се подготвиме за долга војна во Украина“.
„Сите сакаме брз мир. Но, во исто време мораме да признаеме: ако претседателот (Володимир) Зеленски и Украинците престанат да се борат, нивната земја повеќе нема да постои“,
посочува генералниот секретар на НАТО.
Во врска со напорите на Украина за влез во НАТО, Столтенберг вели: „нема сомнеж дека порано или подоцна Украина ќе биде во НАТО“. Тој нагласи дека Киев се приближил до НАТО за време на самитот на алијансата во јули.
„Кога оваа војна ќе заврши, ќе ни требаат безбедносни гаранции за Украина. Во спротивно, историјата може да се повтори“,
предупредил тој, пренесува Бета.