На Комитетот за светско наследство на УНЕСКО прифатена е апликацијата „Јакнење на капацитетите за управување со културното наследство на Oхридскиот Rегион: Обука за развој на бази на податоци и ГИС-платформа за недвижно културно наследство за Заводот и музеј –Охрид“, информира министерката за култура, Ирена Стефоска.
Прифатениот проект за градење капацитети, во износ од 55 илјади американски долари има цел да ги надгради знаењата и способноста на стручните лица во Заводот и музеј – Охрид во однос на ГИС-вештините со помош од меѓународни експерти.
„Уште еден успех на сесијата во Фуџу, на Комитетот за светско наследство на УНЕСКО-прифатена е апликацијата „Јакнење на капацитетите за управување со културното наследство на Oхридскиот Rегион: Обука за развој на бази на податоци и ГИС-платформа за недвижно културно наследство за Заводот и музеј –Охрид“. Со 55 илјади американски долари, 18 месеци меѓународни експерти ќе работат на обуки за градење капацитети на неколку клучни аспекти во заштитата на културното наследство, како што се: дигитализација со стандардизирани процедури за инвентаризација на културното наследство, кои, пак, ќе бидат компатибилни со постојните системи на институцијата, како и со Националниот регистар за културно наследство. Во проектот ќе бидат вклучени и експерти од Република Албанија“,
напиша Стефоска на Фејсбук.