Кризниот штаб за борба против коронавирусот во Србија препорача граѓаните кои имаат одредени хронични болести да се вакцинираат со трета доза од вакцините против ковид-19.
По состанокот на Кризниот штаб, министерката за труд, Дарија Кисиќ-Тепавчевиќ, изјави дека станува збор за лица кои имаат имунодефициенција и оние кои имаат хронични заболувања што се поврзани со имунитетот.
„Тоа, пред сè, се лица кои имале трансплантација на органи, оние кои се на хемодијализа, лицата со малигни заболувања“,
изјави Кисиќ-Тепавчевиќ.
Во Србија досега со прва доза се вакцинирале 2,6 милиони лица што е 49,6 отсто од полнолетните граѓани. Втора доза, пак, примиле 2,5 милиони. Тоа, според српската министерка, не е доволно за да се спречи ширење на коронавирусот. Најголем дел од невакцинираните Срби се млади луѓе. Според податоците на српските власти, дури секој петти граѓанин под 30 години е вакциниран.