Нагласено е дека Италија е искрен партнер на Северна Македонија и меѓу најискрените пријатели на нашата држава
Потврдена е поддршката од италијанската Влада за европските перспективи на нашата земја, на денешната средба на премиерот Зоран Заев со италијанскиот амбасадор во Скопје Карло Ромео.
На средбата, како што соопштија од Владата, е реафирмирана поддршката од италијанскиот премиер Џузепе Конте и од Италија за скорешни натамошни исчекори во европските аспирации на земјава, по членството во НАТО. Нагласено е дека Италија е искрен партнер на Северна Македонија и меѓу најискрените пријатели на нашата држава и дава силна поддршка за напредокот на земјава.
Премиерот Заев, како што се посочува, изразил благодарност до премиерот Конте, до Италија и до амбасадорот Ромео, за време на чиј мандат, се случија историските настани за нашата држава, демократски напредок и прогресот во евроатлантските перспективи.
„Како Влада, целосно сме посветени на евроатлантскиот пат и на предвидливост и стабилност за граѓаните и за државата во полн мандат“, .
нагласил Заев.
На состанокот е констатирано дека постојат можности за уште поголемо унапредување на билатералните односи помеѓу двете држави на планот на трговијата, културата, енергетиката, инфраструктурата. Изразена е заедничка определба кон заштитата на здравјето на граѓаните и на економијата во периодот што претстои, како на национално ниво, така и низ меѓудржавна активна соработка.