Премиерот Оливер Спасовски информира дека сите наши државјани што беа оставени во меѓуграничната зона меѓу Хрватска и Србија и меѓу Унгарија и Србија се тргнати со конвој кон земјава.
„Сакам да информирам дека нашите граѓани што беа останати во меѓуграничната зона помеѓу Хрватска и Србија како и помеѓу Унгарија и Србија безбедно тргнаа во конвој кон земјава! Се за граѓаните“,
напиша Спасовски на својот фејсбук-профил.
Голем број граѓани беа заглавени на граничните премини откако државите почнаа да воспоставуваат мерки со цел заштита од ширењето на коронавирусот.