„Има повеќе причини за поразот на СДСМ, но ако треба неколку да одвоиме, тие се самата поставеност на партијата да ги направи најтешките работи за државата да може да чекориме напред, а тоа е Договорот со Бугарија, кој беше цело време зборуван од јавноста. Однесувањето на ДУИ визави СДСМ, визави состојбите во државата. Настаните кои ни се случуваа во текот на сите овие години, кадровскиот потенцијал итн, сметам дека имаа големо влијание“, изјави Спасовски за ТВ 21
Договорот со Бугарија, однесувањето на ДУИ, кадровскиот потенцијал, се само дел од причините за поразот на СДСМ на претседателските и парламентарните избори, смета поранешниот министер за внатрешни работи Оливер Спасовски.
Тој посочи дека имало прашања околу кои се конфронтирале со ДУИ, но нагласи оти смета дека во владата и во секоја институција треба да има дебата.
„Има повеќе причини за таквиот резултат, но ако треба неколку да одвоиме, тие се самата поставеност на партијата да ги направи најтешките работи за државата да може да чекориме напред, а тоа е Договорот со Бугарија, кој беше цело време зборуван од јавноста. Однесувањето на ДУИ визави СДСМ, визави состојбите во државата. Настаните кои ни се случуваа во текот на сите овие години, кадровскиот потенцијал итн, сметам дека имаа големо влијание. Во јавноста перцепцијата е дека се што ќе побара ДУИ, СДСМ го дава. Ќе видиме дали е со причина наметната таа перцепција или нема причина. За жал, политиката е првично перцепција. Истата таа тема на која се зборуваше сето она што ќе се побара се добива, еве можност да видиме како ќе се формира новата влада, новата коалиција, да видиме како ќе бидат односите сега меѓу новите коалициски партии“,
изјави Спасовски за Клик плус на ТВ 21.
Тој беше дециден дека ниту еден пратеник од СДСМ нема да му даде поддршка на актуелното мнозинство на СДСМ.
„Убеден сум дека од СДСМ не постои пратеник кој ќе даде поддршка на актуелното мнозинство“,
рече Спасовски.
Одговарајќи на прашањето дали ќе им бидат вратени пари на граѓаните за менувањето на пасоши со новото име, рече дека би поддржал таква одлука ако се донесе во новата влада.
„Тој став на Народниот правобранител е одамна искажан и ако се сеќаваме и опозицијата го делеше тој став, па еве мегдан сега. Ако се договорат, тогаш јас таа одлука да им бидат вратени пари на граѓаните за пасошите, ќе ја поддржам“,
рече Спасовски.