Започна Самитот на ЕУ за Западен Балкан кој требаше да се одржи во Загреб, но поради пандемијата од новиот коронавирус се одржува преку видеоконференција.
Премиерот Спасовски, соопштија од Владата, изразил благодарност што, сепак и покрај кризата, се одлучи самитот да се одржи преку видеоконференциска врска.
„Премиерот Спасовски на партнерите од ЕУ денеска ќе им порача дека Северна Македонија е подготвена заедно со Европската комисија и Европскиот совет да ја закажеме првата меѓувладина конференција за да го отпочнеме преговарачкиот процес согласно новата методологија. Самитот на ЕУ за Западен Балкан Загреб 2020 се одржува за време на пандемијата од ковид-19, но донесе и нешто позитивно-јасно ја покажа солидарноста на ЕУ за итна поддршка за здравствениот сектор и со финансискиот пакет за соочување со социоекономските последици, и тоа ја прави Европската унија единствена и посебна и посакуван дом и за нашите граѓани“,
соопштија од Владата.
Од владината прес-служба нагласуваат дека овој самит ја потврдува определбата на ЕУ дека регионот е дел од Европа и геостратешки приоритет за Унијата, а исто така е и симболичен бидејќи пред точно 20 години токму во Загреб беше одржан првиот од серијата самити за земјите од Западен Балкан.