Иранскиот министер за надворешни работи Абас Аракчи побара итен состанок на ова тело за да заземе решителна позиција и да ја осуди агресијата на Израел
Советот за безбедност на Обединетите нации утре ќе се состане со цел да разговара за израелскиот напад врз Иран што се случи во саботата рано наутро, соопшти денеска швајцарската мисија што претседава со ова тело, пренесува Ројтерс.
Иран побара да се одржи состанок на Советот на безбедност, со поддршка на Алжир, Кина и Русија.
Иранскиот министер за надворешни работи Абас Аракчи побара итен состанок на ова тело со цел ОН да заземе решителна позиција и да ја осуди агресијата на Израел.
Во писмото до 15-члениот Совет за безбедност, иранскиот министер посочи дека акциите на Израел претставуваат сериозна закана за меѓународниот мир и безбедност и дополнително го дестабилизираат и онака кревкиот регион.
We strongly condemn the criminal attack on Iranian military centers as a violation of international law and the UN Charter. Four of our Army heroes sacrificed their lives in defeating this reckless and cowardly assault.
— Seyed Abbas Araghchi (@araghchi) October 26, 2024
We fully reserve our right to duly respond to this… pic.twitter.com/itS2WTfDja
„Исламската република Иран во согласност со принципите содржани во Повелбата на ОН и меѓународното право го задржува своето вродено право на правен и легитимен одговор на овие криминални напади во соодветно време“,
вели Аракчи.
Посочи дека имаат право да одговорат на израелските напади.
Израелскиот премиер Бенјамин Нетанјаху рече дека нападот врз Иран бил прецизен и ги постигнал целите.
Врховниот лидер на земјата, ајатолахот Али Хамнеи, порача дека иранските власти треба да одредат како најдобро да му ја покажат моќта на Иран врз Израел по нападот што се случи во петокот вечерта.
За време на израелскиот напад врз Иран, кој траеше пет часа, гаѓани биле 20 цели, а загинаа четворица војници.