Ова е втора средба помеѓу Ковачевски и Мицотакис која се случува по само две неколку недели, кога премиерот на земјава со владина делегација беа во Атина на средба со грчката влада на која меѓу другото беше договорено непречено снабдување на С Македонија со лигнит и јаглен кој доаѓа од рудниците во Грција
Ковачевски, како што информираат од Владата, попладнево имал средба и со хрватскиот премиер, Андреј Пленковиќ на која двајцата премиери дискутирале за предизвиците околу светската енергетска криза, предизвикана од воената агресија на Русија врз Украина, европскиот пат на Северна Македонија, како и важноста на почетокот на пристапните преговори
Премиерот Димитар Ковачевски и неговиот грчки колега Кирјакос Мицотакис на билатерална средба во рамките на состанокот на Европската политичка заедница што денеска се одржува во Прага, Чешка уште еднаш ја потенцирале важноста од соработката на двете земји во енергестскиот сектор, соопштија од владината прес-служба.
Двајцата премиери се согласиле дека соработката има голем потенцијал, ако се земат предвид заедничките проекти за изградба на терминалот за течен нафтен гас во Александропули, како и гасното поврзување помеѓу двете земји.
Инаку, ова е втора средба помеѓу Ковачевски и Мицотакис која се случува по само неколку недели, кога премиерот на земјава со владина делегација беа во Атина на средба со грчката влада на која меѓу другото беше договорено непречено снабдување на С Македонија со лигнит и јаглен кој доаѓа од рудниците во Грција.
„Заедничките енергетски проекти се од значење за Република Северна Македонија како нови извори за снабдување со гас како поеколошки и поевтин енергенс, како и од можноста да стане регионален центар за понатамошен транзит и дистрибуција на гасот на земјите од регионот“,
се наведува во соопштението за средбата.
Ковачевски, како што информираат од Владата, попладнево имал средба и со хрватскиот премиер, Андреј Пленковиќ на која двајцата премиери дискутирале за предизвиците околу светската енергетска криза, предизвикана од воената агресија на Русија врз Украина, европскиот пат на Северна Македонија, како и важноста на почетокот на пристапните преговори.
Пленковиќ на средбата истакнал дека Хрватска е подготвена да продолжи да ѝ помага на С Македонија во реформите и во исполнувањето на потребните услови за членство во ЕУ.
„Премиерот Ковачевски го нагласи задоволството од добрите економски односи меѓу Хрватска и Северна Македонија и истакна дека во пријателска Хрватска имаме искрен партнер, традиционален поддржувач на нашите аспирации за интегрирање во европското семејство“,
се вели во соопштението за средбата.
Ковачевски и Пленковиќ заклучиле дека „само заеднички и со интензивирање на регионалната соработка можеме да ја пребродиме светската енергетска криза“