Министерството за внатрешни работи информира дека вчера наутро на скопската обиколница се случила сообраќајна несреќа во која животот го загубил 63-годишен тетовец со иницијали А. В.
Несреќата се случила околу 7:40 часот, кога возачот излетал од коловозот кај клучката за Орман и починал на самото место.
„На 31.01.2025 година околу 07:40 часот во СВР Скопје било пријавено дека на автопатот – обиколница на Град Скопје, во близина на клучка Орман, патничко возило ‘хјундаи’ со тетовски регистарски ознаки, управувано од А. В.(63) од Тетово, излетало надвор од коловозот. На местото на настанот починал возачот, а лекар од Итната медицинска помош констатирал смрт. Извршен бил увид од увидна екипа од СВР Скопје“,
соопшти полицијата.