УВ-индексот ќе биде многу висок и ќе има вредност 9
Сончево и многу топло време, со температури до 40 степени, прогнозира Управата за хидрометеоролошки работи (УХМР) за денеска. Ќе дува слаб до умерен ветер од променлив правец.
Минималните температури ќе се движат во интервал од 11 до 20 степени Целзиусови, а максималните ќе се искачат од 31 до 40 степени. УВ-индексот ќе биде многу висок и ќе има вредност 9.
Времето во Скопје денеска ќе биде сончево и многу топло со слаб ветер од југоисточен правец. Температурите ќе се движат од минимални 18 до максимални 40 степени.
Високите температури и сончевото и многу топло време ќе се задржат во наредните неколку дена, а од четврток, според УХМР, се очекуваат врнежи од дожд во попладневните часови.