Собранието на Република Северна Македонија денеска ја констатира оставката на премиерот Зоран Заев, поднесена по договорот на политичките партии во пресрет на предвремените парламентарни избори на 12 април. Се очекува до полноќ Собранието да ја изгласа техничката влада, која ќе ја предводи Оливер Спасовски и која од утре, па во следните сто дена треба да ги организира изборите.
Заев не ја образложи оставката пред пратениците, но во документот доставен до парламентот наведе дека ја поднесува по договорот на лидерите на партиите за избори на 12 април.
Од ВМРО-ДПМНЕ реагираа на одлуката на Заев да не ја образложи оставката, но изразија задоволство што конечно завршува неговиот мандат.
рече координаторот на пратеничката група на ВМРО-ДПМНЕ, Никола Мицевски.
„Денеска е денот кога Македонија ќе се ослободи од најкриминалната и најкорумпирана власт. Пред само 2 години и 7 месеци Заев и неговите соработници ветуваа мед и млеко. Еве, сега може да се види дека од тоа нема ништо. Падна Катица, падна Заев, а на 12 април ќе падне и СДСМ“,
Во репликата неговиот опонент од СДСМ, Јованче Митревски, нагласи дека ВМРО-ДПМНЕ сè уште не ја научила лекцијата.
„Македонските граѓани не се наивни, тие знаат со кого си имаат работа. Свесни сте дека Мицкоски и раководството на партијата сè уште се директни извршители на Никола Груевски. Денешниот ден е најава за уште една победа на коалицијата предводена од СДСМ и Зоран Заев“,
рече Митревски.
Кабинетот на претседателот на Собранието, Талат Џафери, претпладнево соопшти дека оставката на Заев ја доставил до претседателот на државата Стево Пендаровски, кој треба да му го врачи мандатот на Спасовски. Тој, пак, до Собранието треба да достави состав на новата техничка влада и програма за работа.
Инаку, на денешната седница беше констатирана и оставката на пратеничката Невенка Стаменковска-Стојковски од ВМРО-ДПМНЕ. Таа е предложена за дополнителен заменик-министер за информатичко општество и администрација во техничката влада.