Арналдо Чаморо, секретар на кабинетот во Министерството за земјоделство, вчера во изјава за новинарите рече дека бил отпуштен затоа што во октомври потпишал договор со делегацијата на „Соединетите Држави Каиласа“, наводен остров лоциран северно од Јужна Америка
Висок парагвајски функционер е сменет бидејќи потпишал меморандум за соработка со кој се препорачува воспоставување дипломатски односи со непостоечка земја.
Арналдо Чаморо, секретар на кабинетот во Министерството за земјоделство, вчера во изјава за новинарите рече дека бил отпуштен затоа што во октомври потпишал договор со делегацијата на „Соединетите Држави Каиласа“, наводен остров лоциран северно од Јужна Америка.
„Дојдоа и изразија желба да му помогнат на Парагвај, презентираа неколку проекти, ги слушнавме и толку“,
изјавил Чаморо кој признал дека бил измамен.
Двајцата „претставници“ дури накратко ги примил и самиот министер за земјоделство.
Тие биле измамени од бегалец од Индија
Поранешниот секретар на кабинетот му честита на „почесниот Нитјананда Парамашивам, суверен на Соединети Држави Каиласа, за неговиот придонес во хиндуизмот, хуманизмот и Република Парагвај“ и препорачува „Владата на Парагвај активно да размисли за воспоставување дипломатски односи со Соединетите Држави Каиласа“ нагласувајќи дека го поддржуваат нејзиниот прием во меѓународните организации, меѓу кои и во Обединетите нации.
Парагвајските медиуми открија дека „суверенот“ на Каиласа е всушност индиски државјанин кој е во бегство од правосудниот систем на својата татковина.