Повик за да се пријават потенцијални случаи на сексуално вознемирување и злоупотребување упати и Академијата за сценски уметности од Сараево
Актерките Милена Радуловиќ и Ива Илинчиќ денеска во обвинителството во Белград даваа исказ повеќе од четири часа
Случајот со силувањата и сексуалното вознемирување на актерки во Србија, се шири регионално, во овие неколку дена на Академијата за драмски уметности во Загреб пристигнале 11 пријави за четворица професори. Од тие пријави, осум се анонимни.
По сведочењето на српските актерки Милена Радуловиќ и Ива Илинчиќ, во белградската полиција се јавиле десетина нови потенцијални жртви на наставникот по глума Мирослав Мики Алексиќ, на кој во моментов му тече триеседневниот притвор.
Веднаш излегувањето на Радуловиќ и Илинчиќ во јавноста, на социјалната мрежа Фејсбук беше креирана страницата „Nisam trazila“ на која се објавуваат бројни сведочења на актерки од регионот, а најмногу од Србија, Хрватска и Босна и Херцеговина.
Деканката на Академијата за драмски уметности во Загреб, Франка Перковиќ Гамулин, по читањето на овие објави во кои се посочуваат примери на сексуална злоупотреба и на Академијата каде работи формирала комисија со дел отворање на неколку канали каде може овие случаи да се пријават.
„Заклучно со среда 20 јануари 2021 година, пристигнаа три неанонимни пријави и осум анонимни пријави поднесени по пат на формулар кој е достапен онлајн. Пет пријави се однесуваат на вкупно четворица професори кои сè уште работат на Академијата“,
соопштуваат оттаму пренесе Јутарњи лист.
Повик за да се пријават случаи за сексуално вознемирување и злоупотребување упати и Академијата за сценски уметности од Сараево. Тие преку соопштение велат дека читајќи ги објавите на Фејсбук со сведоштва на тамошни актерки биле аларм за да ги повикаат и охрабрат девојките за официјално да ги пријават овие случаи.
„Градиме простор за доверба за сите студентки и студенти, како и за вработените да ги пријават сите недолични или насилни однесувања. На Академијата нема толеранција за злоупотреба, ниту за вознемирување. Ќе продолжиме со почитување на дигнитетот на секој поединец и етиката ќе биде основа на нашата работа“,
се вели во соопштението.
Во текот на дешениот ден, српските актерки беа сослушави во Вишото обвинителство во Белград. Исказот на Милена Радуловиќ, како што јавуваат српските меиуми траел пет часа без пауза. Таа се појавила во обвинителството придружувана од нејзините двајца адвокати. Сослушувањето на Илинчиќ траело повеќе од четири часа. Неа ја застапува истиот адвокатски тим како и Радуловиќ.
Во интерес на истрагата, адвокатите рекоа дека не можат да споделат детали од сослушувањата, но ги замолија медиумите внимателно да известуваат за овој случај, бидејќи една од пријавителките е малолетна девојка, а и останатите сакаат да останат анонимни.
„Ве замолуваме внимателно да известувате и да не дозволи да се обелодени идентитетот на другите пријавителки. Овој предмет е чувствителен и возможно е да се јават и нови потенцијални жртви. Затоа, не сакаме да ги обесхрабриме нив“,
рекоа адвокатите.
Случајот во јавноста го обелодени младата актерка Милена Радуловиќ (25), а два дена по нејзиното потресно сведочење во јавност излезе уште една актерка, Ива Илиниќ. Тие сметаат дека со тоа што се доволно познати за српската јавност ќе може да влијаат и да ги охрабрат останатите жртви да ги пријават злоупотребите во полиција.
Актерките добија голема поддршка од колегите, колешките, но и целокупната јавност во Србија. Овој случај наликува на она што пред неколку години се случуваше во САД, кога актерки преку движењето #metoo го обвинија најпознатиот филмски продуцент во Холивуд, Харви Вајнстин, за силување.
Српските медиуми веќе оценија дека ова преминува во балканско #metoo движење, по сведочењата на актерки од БиХ и Хрватска.