Во Словенија, вакцинираните со само една доза од ова вакцина веќе се сметаат за имуни и не им треба негативен тест како доказ при влез во земјата
Словенија, каде епидемиолошката состојба се смирува, предложи Хрватска да ги олесни правилата за премин преку граница за Словенците кои биле вакцинирани против коронавирус со само една доза „Астра Зенека“.
Во Словенија, вакцинираните со само една доза од ова вакцина веќе се сметаат за имуни и не им треба негативен тест како доказ при влез во земјата.
„Разговаравме за тоа со нашите хрватски колеги минатата недела, но сè уште немаме одговор“,
изјави за новинарите водечкиот специјалист за инфективни болести Матеја Логар, пренесе Хина.
За можноста Словенците да одат во Хрватска без карантин и негативен тест, доколку се вакцинирани со само една доза „Астра Зенека“, се дискутира подолго време, во пресрет на туристичката сезона.
Доколку не се постигне договор, словенечките граѓани кои примиле само прва доза на „Астра Зенека“ овие денови можат слободно да одат во Хрватска само по 12 недели, или за скоро три месеци, кога ќе ја примат втората доза како што е планирано.
Иако некои земји го скратуваат времето помеѓу двете дози на четири недели, што е дозволено од производителот, Словенија се придржува кон правилото дека мора да поминат 12 недели помеѓу двете дози затоа што тогаш имунолошкиот одговор на организмот е многу посилен, објасни Логар.
Во последните 24 часа, само 113 случаи на заразени со коронавирус се потврдени во Словенија, со намален обем на тестирање, со позитивен процент од 7,5 проценти, и три смртни случаи, објави Владата.