Би-би-си јавува дека од експлозијата загинале најмалку седум лица, а 13 се повредени
Силна експлозија одекна денеска во џамија во авганистанскиот град Кандахар. Засега не е познат точниот број на жртви, но Би-би-си наведува дека според извештаите од терен загинале најмалку седум лица, а 13 се повредени.
Експлозијата се случила за време на петочната молитва. Снимките што се појавија на социјалните мрежи покажуваат верници кои бегаат во паника, а некои медиуми известуваат дека бројката на загинати може да биде многу поголема.
Purported video shows the scene at Fatemieh Imam Bargah in #Kandahar after an explosion was witnessed during prayers. #Afghanistan #Afghan #Kabul #Taliban #Talibans pic.twitter.com/vAW9oGqzCB
— The Pakistan Daily (@ThePakDaily) October 15, 2021
Пред точно седум дена имаше експлозија и во џамија во провинцијата Кандуз. Во нападот загинаа најмалку 15 луѓе, за кои сѐ уште никој не ја презеде одговорноста.
Експлозијата се случи исто така за време на петочната молитва, кога припадниците на шиитското верско малцинство обично доаѓаат во голем број да се молат.