Возачи очевидци кои поминувале на патот велат дека во моментот на рушењето слушнале силна бучава и виделе како зад нивното возило се отвара дупка широка неколку метри
Силен дожд предизвикал уривање на дел од автопат во кинеската провинција Гуангдонг, при што загинале 36 лица, а има и повредени, пренесува Си-ен-ен.
Урнатиот дел од автопатот е долг 17,9 метри, а предизвикал пад и уништување на повеќе од 30 автомобили.
Според кинеските медиумите, во моментот кога се урнал дел од едната коловозна лента на автопатот имало метеж од возила, зашто жителите патувале низ земјата за празникот Први мај.
Владата на провинцијата Гуангдонг веднаш испратила околу 500 спасувачи на терен.
Ова е една од областите во Гуангдонг во јужна Кина, која изминатиот месец е погодена од силен дожд и град. Тоа довело до повеќе лизгања на земјиштата на различни локации, а има и поплавени куќи, но и уништени мостови.
Возачи очевидци кои поминувале на патот велат дека во моментот на рушењето слушнале силна бучава и виделе како зад нивното возило се отвора дупка широка неколку метри.
Причината за несреќата се истражува.