Данецот колабира во 43-та минута од натпреварот помеѓу Финска и Данска на ЕУРО2020, а лекарите го реанимираа повеќе од 10 минути
На данскиот фудбалер Кристијан Ериксен ќе му биде вграден дефибрилатор кој ќе му го регулира чукање на срцето во иднина, а лекарите кои биле на терен откриваат што им рекол тој веднаш по реанимацијата на теренот.
Данецот колабира во 43-та минута од натпреварот помеѓу Финска и Данска на ЕУРО2020, а лекарите го реанимираа повеќе од 10 минути.
Ериксен потоа итно беше пренесен во болница, од каде најпрво испратил порака до своите соиграчи, а неколку дена подоцна објави фотографија од болничкиот кревет.
Сцените од реанимацијата ја потресоа целата јавност, а лекарите сега тврдат дека Ериксен добро се справил и дека по вградување на дефибрилаторот ќе се врати во повеќе или помалку нормален живот.
Заедно со данскиот лекар, првиот кој му пружи помош на Ериксен на теренот бил Јенс Клајнфелд, кој всушност започнал со реанимација.
Срцето на Ериксон започна да чука со помош на дефибрилатор, а Клајнфелд за „Фокс Спортс“ открива што всушност Данецот му рекол кога го оживеал.
„Тој се освести триесетина секунди откако го оживеавме. Ги отвори очите и јас почнав да разговарам со него. Тоа беше многу емотивен момент бидејќи во вакви случаи, шансите за враќање се прилично мали. Го прашав: Дали си со нас? А тој одговори: ‘Нормално дека сум. Имам само 29 години’“,
изјави Клајнфелд.
Данска денеска во 18 часот ја очекува дуел со Белгија, а најавен е гест за тој натпревар, кој ќе го изведе Ромелу Лукаку и неговите соиграчи. Во 10-та минута тие ќе ја исфрлат топката во чест на Ериксен.