Во интервју за „360 Степени“, претседателот на Совет на јавни обвинители, Коле Штерјев, зборуваше за новата пракса во Македонија, жалбата да го одлага извршувањето и одењето во притвор.
– Не мислам дека судовите тоа не го знаат, таман работа. Тука е дојдена до една недозволена компилација на одредби. Во делот од ЗКП, каде што се обработува притворот како мерка за обезбедување присуство, стојат и рокови за жалба и кажува кој постапува. На жалба на решение на судија од претходна постапка – Кривичен совет, на жалба на КС – повисокиот Кривичен совет, и тука се со саати – 24 и 48 – рече Штерјев.
– Но сега како да имаме нова пракса во тој дел, еве двајца успеаја и да избегаат бидејќи се чекаше…
– Се уште не можеме да речеме дека е пракса, јас се надевам дека тоа ќе остане лош исклучок, и како еден мал дел на асистирање на судовите на тие на коишто не треба да им асистираат, во реализација на нивните понатамошни намери за избегнување на правдата. Замислете хипотетички – фрлите бомба во кино, и го фатите господинот, му викате вие сега во притвор… а, не, не, одете малце дома, ние да одлучиме. Притворот е сериозна мерка и нема дискусија за тоа – рече Штерјев.
Напишете коментар