Властите најавија истрага за да утврдат дали се почитувани сите превентивни мерки
Властите на шпанскиот остров Мајорка соопштија дека повеќе од 600 студенти кои го прославиле крајот на школувањето се заразени со коронавирусот, во време кога островот го очекува пристигнувањето на британските туристи.
Студентите кои дошле на Мајорка од континентална Шпанија присуствувале на музички настапи во Палма де Мајорка, забави на бродови и хотели. Властите најавија истрага за да утврдат дали се почитувани сите превентивни епидемиолошки мерки.
Сите студенти кои биле позитивни на тестот пристигнале во Мајорка од различни делови на Шпанија за да го прослават крајот на универзитетската година.
Најмалку илјада од нив биле испратени во изолација и откриено е дека голем број тинејџери имаат лесни симптоми на ковид-19.
По речиси една година строги рестриктивни, антиепидемиолошки мерки, на Шпанците сега им е дозволено да не носат маски на отворено, додека во затворен простор таа обврска се уште е задолжителна.