На прес-конференцијата на која направи осврт за работата на МОН откако тој го предводи, Шаќири рече дека интензивно се работело на новите наставни програми за прво, второ, четврто и петто одделение, за кои Бирото за развој на образованието подготвило интересни и интерактивни содржини и се изработуваат нови учебници
Министерот за образование и наука Јетон Шаќири денеска на прес-конференција информира дека учениците уште од првиот училиштен ден ќе имаат учебници и помошни материјали, а оти оваа учебна година ќе биде започната многу поподготвено отколку минатите години.
„Апелирам до раководствата на училиштата да бидат ажурни, да се обратат да својата општина и да ги преземат учебниците и помошните материјали“,
кажа Шаќири.
На прес-конференцијата на која направи осврт за работата на МОН откако тој го предводи, Шаќири рече дека интензивно се работело на новите наставни програми за прво, второ, четврто и петто одделение, за кои Бирото за развој на образованието подготвило интересни и интерактивни содржини и се изработуваат нови учебници.
Тие, како што посочи, со во различна фаза на одобрување, а за да имаат учениците од што да учат, подготвени се материјали за учење за првото тримесечје.
На прес-конференцијата во Владата, Шаќири потсети дека во изминатиот период со СОНК е постигнато историско покачување од 15 проценти за платите на наставниците кои ќе ги добијат со септемвриската плата. Посочи дека со Синдикатот ќе следува дефинирање и потпишување нови колективни договори за основно и за средно образование и оти ќе бидат во дијалог за политики за подобрување на квалитетот на образованието.
Шаќири посочи и дека е значително зголемен бројот на образовни асистенти финансирани од буџетот на МОН кои ќе работат со ученици со атипичен развој вклучени во редовната настава – од 500 лани, оваа учебна година ќе бидат 720.
На прес-конференцијата министерот укажа и на зголемениот број на дуални паралелки за унапредување на средното стручно образование – од 97 минатата година, сега се 200 со опфатени 2 700 ученици, минатата година биле вклучени 250 компании, а во оваа година се вклучени 400 компании во овој проект.
За капитални инвестиции во образованието, Шаќири посочи оти втора година буџетот е над милијарда денари односно два и пол пати повеќе од претходните години.