Забраната е воведена откако 20 000 луѓе ја преминале границата за два дена
Северна Осетија, која граничи со Грузија и каде со денови има долги колони автомобили со Руси кои бегаат од воената мобилизација, денеска објави дека го ограничува влезот на возила на нејзина територија.
Северна Осетија денеска воведе ограничувања за автомобилите кои доаѓаат од други делови на земјата, бидејќи егзодусот на работоспособни мажи доведе до конвој од повеќе од 3.000 возила на преминот Верхни Ларс во Грузија.
❗️ Ограничен въезд автомобилей в Северную Осетию из-за ситуации на границе с Грузией: указ главы региона Меняйло. pic.twitter.com/HPIewV1Fl5
— Московский Комсомолец (@mkomsomolets) September 28, 2022
Гувернерот на Северна Осетија Сергеј Мењаило рече дека забраната е воведена откако 20 000 луѓе ја преминале границата за два дена, додека многу повеќеуште чекаат.
„Нема да бидеме физички во можност да обезбедиме ред и безбедност ако бројот на луѓе продолжи да расте“,
рече тој, додавајќи дека забраната нема да важи за жителите или туристите, ниту за автомобилите што влегуваат од Грузија или нејзиниот отцепен регион Јужна Осетија.
Десетици илјади регрути беа принудени да ја напуштат Русија откако беше објавена мобилизацијата минатата недела.
These are scenes from Verkhniy Lars, near #Russia–#Georgia border. There are many thousands of people, mostly men, in a 15 km long jam, trying to exit Russia to avoid mobilisation into the armed forces. It’s up in the mountains, so nights are quite chilly.pic.twitter.com/zmiRYKOjXv
— Alex Kokcharov (@AlexKokcharov) September 28, 2022
Грузија беше една од најпопуларните дестинации за Русите, бидејќи им овозможува да останат без визи една година, но нема директни летови меѓу двете земји, а Верхни Ларс, кој се наоѓа на оддалечен планински премин, е единственaта оперативна транзитна точка меѓу нив.
Властите на Северна Осетија вчера најавија отворање на привремена канцеларија во Верхни Ларс, која ќе издава привремени документи на резервистите на кои им е забрането да ја напуштат Русија според наредбата за мобилизација.