Неодамнешниот развој на „нов тип на оружје“ претставува само дел од напорите на земјата да ги модернизира своите одбранбени способности и не се однесува на ниту која било земја, тврди Министерство за надворешни работи на Северна Кореја
Северна Кореја истрела нов проектил, само неколку часа откако јавно го критикуваше американскиот притисок за новите санкции токму поради неодамнешното лансирање проектил, кое од САД беше сфатено како „провокација“.
Јужнокорејскиот заеднички штаб соопшти дека Северна Кореја лансирала неидентификуван проектил не откривајќи повеќе детали.
Јапонската крајбрежна стража, исто така, рече дека Северна Кореја истрелала нешто што личи на балистички проектил.
Северна Кореја ги брани своите експерименти со проектили како легитимно права на самоодбрана и тврди дека САД намерно предизвикуваат ескалација на состојбата преку наметнување санкции, објавија државните медиуми порано денеска цитирајќи го тамошното Министерство за надворешни работи.
Неодамнешниот развој на „нов тип на оружје“ претставува само дел од напорите на земјата да ги модернизира своите одбранбени способности и не се однесува на ниту која било земја ниту на нарушување на безбедноста на соседните земји, соопштуваат од Министерството за надворешни работи на Северна Кореја во изјава што ја пренесе државната агенција КЦНА.